प्योत्र झलोमोवच्या सांद्र बुबळांत
निलोवनांच्या करुण हृदयात;
घाम म्हणवणाऱ्या
थेंबांच्या माणिकांत
आणि रक्ताचा रंग दिसणाऱ्या निरंजनांत
… मला सूर्य दिसला
२३ मार्चच्या असीम त्यागात
तारुण्याच्या लोभस होमात;
बर्फावरच्या राकट राशीत
जोपासलेल्या तीव्र ज्वाळांत
आणि फासावरती अनुभवलेल्या
पूर्णत्वाच्या धुंद क्षणांत
… मला सूर्य दिसला
मानवतेच्या शांत लढ्यात
कर्तव्याच्या गाढ कवेत;
निरागस हसणाऱ्या
चष्म्याखालच्या नजरांत
आणि सूर्याची शकले शोधणाऱ्या माझ्या मनात
… मला सूर्य दिसला
*
वाचा
सुदेश इंगळे यांच्या कविता
कविता
‘महाडचे दिवस’ – कादंबरी
‘बायजा‘ – कादंबरी
कथा
चित्र आणि अक्षरांचा खजिना म्हणजे 'चित्राक्षरे'!